आपल्याच सोंडेने
आपल्या अंगावर
स्तुती फवारून
"हाथी चले अपनी चाल' म्हणावं
विरोधकांना कुत्रे समजून
भुंकू द्यावं...
कानामध्ये
वार्धक्याची मुंगी गेली
की कण्हावं... कुथावं
अन् एक दिवस उलथावं!
यौवनाच्या मस्तीत
अंदाज चुकल्यानं
पेटल्या दिव्यानं
आपली संकुचित प्रतिमा
एन्लार्ज करून
त्याखाली
आपला जीवनालेख रेखाटावा-
"तीर्थरूप श्री. अमुक अमुक
जन्म तमुक मृत्यू ढमुक'
No comments:
Post a Comment